Kodi rrugor / Shpejtësia
Shpejtësia
Sa duhet të jetë shpejtësia e lëvizjes së mjeteve në rrugë?
Drejtuesi i mjetit duhet të rregullojë shpejtësinë e mjetit në mënyrë që të mënjanojë çdo rrezik për sigurinë e njerëzve dhe mallrave, dhe çdo çrregullim tjetër të mundshëm në trafik. Shpejtësia duhet të jetë në përputhje me karakteristikat, gjendjen, ngarkesën e mjetit, si dhe karakteristikat dhe gjendjen e rrugës, trafikun, etj. Gjendja teknike e mjetit duhet të jetë e tillë që të përballojë të gjitha manovrat e nevojshme në kushte të sigurta.
Për të siguruar qarkullimin dhe mbrojtur jetën e njerëzve, shpejtësia nuk duhet të kalojë limitet e mëposhtme:
- 110 km/orë për autostradat;
- 90 km/orë për rrugët interurbane kryesore;
- 80 km/orë për rrugët interurbane dytësore e rrugët lokale interurbane;
- 40 km/orë për rrugët në qendrat e banuara.
Autoritetet kompetente janë ato që përcaktojnë shpejtësi të tjera minimale dhe maksimale brenda këtyre kufijve, në varësi të llojit të mjetit.
Kujdes!
Informacioni i paraqitur në këtë faqe përshkruan situatën sipas legjislacionit në fuqi në Republikën e Shqipërisë. Ky legjislacion mund të jetë objekt ndryshimi apo shfuqizimi. Informacioni ka vetëm qëllim informimi dhe nuk duhet të konsiderohet si këshillim apo opinion ligjor. Për zgjidhjen e një rasti specifik kërkoni ndihmë profesionale.
Informacioni i paraqitur në këtë faqe përshkruan situatën sipas legjislacionit në fuqi në Republikën e Shqipërisë. Ky legjislacion mund të jetë objekt ndryshimi apo shfuqizimi. Informacioni ka vetëm qëllim informimi dhe nuk duhet të konsiderohet si këshillim apo opinion ligjor. Për zgjidhjen e një rasti specifik kërkoni ndihmë profesionale.